Një përplasje e shumëpritur, jo vetëm sepse derbi është gjithnjë ndeshja speciale, por edhe sepse Tirana është kryesuese e kampionatit dhe në derbi kohët e fundit nuk është se i ka shkuar fort mirë. Kështu, me Partizanin në vështirësi për të bërë rezultat në javët e para, 25 herë kampionët shpresojnë të kenë mundësinë për ti rrëmbyer derin e të ngjyrosin kryeqytetin bardheblu. Tifozët ultras të Tiranës, sapo kanë mbërritur përpara stadiumit Arena Kombëtare, kanë ndezur menjëherë atmosferën me korin e zakonshëm: “kush s’kërcen është morri i kuq, ole”.