• |
ide | kryesore

Helmimi i 600 qytetarëve në Krujë, ISHP publikon rezultatin e analizave

-Instant, Arkiva, Lajme, Të fundit



Instituti i Shëndetit Publik ka nxjerrë rezultatin e analizave të ujit që solli helmimin e mbi 600 qytetarëve në Krujë.

Në një deklaratë për mediat nëndrejtori i ISHP-së Dritan Ulqinaku tha se helmimi masiv ka ardhur si rezultat i një defekti në sistemin hidrik (çarje në tubacion) për shkak të shirave, ku është konstatuar një bakter ‘Enterokokus’, në një pikë të tij.

“Nga analizat e marra nga ISHP ka rezultuar që në një pikë të vetme të ujësjellësit ka rezultuar bakteri ‘Enterokokus’, shkak i këtyre shqetësimeve, situata që sot flasim është shumë e qetë, ka mbaruar pothuajse shqetësim, do e ndjekim me rigorozitet këtë epidemi të shkaktuar nga uji”, njofton ISHP.

Ulqinaku tha se ujësjellësi duhet të kishte marrë masa më shpejt, pasi bakteri neutralizohet menjëherë nga dezinfektantët.

“Ka qenë një çarje diku (në tubacion). Duhet të kishim vepruar më shpejt. Nuk ka pasur raste të rënda, trajtimi është dhënë në kohë rekord. Uji kishte prani të bakterit “Enterokokus” për shkak të shirave të ditëve të fundit. Bakteri ‘Enterokok’ reagon shumë mirë nga dezinfektantët” tha Ulqinaku.



1 Comment

  1. E tha komandanti qe dje “Pergjegjesia eshte e ujesjellesit qe nuk ka bere miembajtjen”
    Dhe me kaq mbyllet
    Komandanti harron te sqaroje se problemi u shfaq sapo ujesjellesi i ri u lidh ne rrjetin e shperndarjes Nuk tregon
    qe kur u inagurua provuan ta vene ne pune dhe uji qe vinte nga ujesjellesi i sapo ndertuar ishte krejtesisht i ndotur Atehere u fol se tubot qe ishin perdorur per ndertimin e ujesjellesit ishin marre nga tubot e perdorura me pare per nafte nga industria e naftes ne kohen e xhaxhi Enverit por do te pastroheshin shpejt
    mesa duket nuk qenkan pastruar .
    Sa per analizat Komandanti i nxjerr si ti doje si gjithe statistikat e tjera

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *