Andorra po rezistonte shumë më mirë se mendohej, pavarësisht se Reja ishte detyruar të luante me linjat e dyta për shkak të mungesave të shumta në ndeshjen e fundit eleminatore. Në një ndeshje ku rastet më të mira të kuqezinjve u përplasën tek portieri andorran, zgjidhja erdhi nga një penallti e fituar nga Uzuni, vetëm pak caste pasi beratasi kishte humbur një rast flagrant. Në minutën e 73 shënoi golin e avantazhit Çekiçi, që zgjodhi goditjen qendrore, duke evituar hedhjen e portierit Gomez. Tani, vendi i tretë është i siguruar, pavarësisht rezultatit të ndeshjes Poloni-Hungari.