Interi nuk dëshiron të kapet i papërgatitur përballë lamtumirës, gjithnjë e më të mundshme, të Ivan Perisic, kontrata e të cilit skadon më 30 qershor 2022 dhe ka ndërmend të kthehet për të luajtur në Bundesligë (Ëolfbsurg dhe Dortmund janë në gjurmët e tij). Kjo është arsyeja pse drejtuesit zikaltër po përshpejtojnë për Filip Kostic të Eintracht Frankfurt, me të cilin ai është i lidhur deri në vitin 2023. Anësori serb i lindur në vitin 1992 është lojtari i identifikuar si zëvendësuesi ideal për kroatin dhe mund të arrijë që në janar, në rast të largimit të një mesfushori, që mund të jetë Vecino.
Sipas asaj që raportohet nga ‘Gazzetta dello Sport’, Interi ka gati 10 milionë euro për Eintrachtin dhe për lojtarin bëhet fjalë për një kontratë trevjeçare për 2.5 milionë plus bonuse në sezon. Figura e Alessandro Lucci, menaxheri i ri i serbit që ka si të asistuar tashmë katër interistë (Dzeko, Correa, Vecino dhe Kolarov), mund të luajë një rol kyç në negociatat për ta sjellë atë në Milano që në janar, pavarësisht murit të ngritur nga klubi gjerman (“Ne nuk kemi ndërmend të heqim dorë nga lojtarët tanë më të mirë në seancën e ardhshme të transferimit. Kostic, si dhe N’Dicka dhe Kamada, janë të vlefshëm për ne dhe nuk do të largohen nga klubi në janar, ka thënë Markus Krösche). Në verë Kostiç ishte shumë pranë Lacios.