Golat e Seferit e Ngo’o kanë prodhuar një tjetër fitore e kanë larguar edhe më shumë kritikat, jo vetëm sepse Tirana është e para, por edhe sepse anglezi ka shënuar në ndeshjen e dytë radhazi: “Është pozitive kur sulmuesit shënojnë, dihet ndjesia a që duan të shënojnë patjetër. Jam i kënaqur që Taulanti shënoi dy herë e Ngo vazhdon të shënojë pas fundjavës që kaluam” – tha Orges shehi pas ndeshjes. Tekniku nuk merret fare me renditjen e Kastriotit, duke e konsideruar tre pikë sic do ndeshje tjetër: “Mendoj se çdo trepikësh është i rëndësishëm. Sot kishim vlerësuar maksimalisht kundërshtarin se po të bëjmë llogari në fazën e parë pas 3 ndeshjesh kishim 5 pikë e sot deshëm të ngrinim këtë numër. Kastrioti është skuadër që duhet vlerësuar, nuk e pamë si fundin e tabelës por si çdo skuadër tjetër”.
Tekniku ka sqaruar edhe pozicionin e ri të Seferit, duke e evidentuar si pikën kyce të transformimit të sulmuesit: “Ne kemi ndryshuar në varësi të kundërshtarëve dhe shpesh kthehemi me tre në sulm. Mendoj se Seferi është më efikas në anësore, duke u futur në qendër se është më i rrezikshëm. Kemi lojtarë si Totre që është gjithmonë afër Ngo, duke parë se shpesh luan si 10 dhe Taulanti vjen me befasi në zonën e rrezikshme. Dua që të luajë në krah në fillim e të krijojë befasi, kështu ka rezultuar e suksesshme. Seferi i bën të gjitha rolet, por organika e lojtarëve që kemi bën që të përdorim Totre e Hotin si organizator”.