Juventus qendroi gjithë janarin në qetësi, me Allegrin që pretendonte se ishte në rregull me skuadrën që kishte, por pikërisht në ditët e fundit ka shpërthyer me 90 milionët e derdhura për Vlahovic e tani edhe me dy firma të tjera të Zakarias e Gattit. Nuk kanë munguar daljet, sepse Kulusevski e Bentancur kanë zbarkuar në Londër te Tottenham, ndërsa më në fund Ramsey ka pranuar një destinacion.
Është koha e vizitave mjekësore për Denis Zakarian. Blerja e re e Juves mbërriti në J-Medical në Torino rreth orës 9:30 të mëngjesit i përshëndetur nga një grup tifozësh. Disa foto dhe autografe para testeve, që i paraprinë nënshkrimit të kontratës që do ta lidhë zviceranin me klubin e Juventusit deri në vitin 2026. Mesfushori i datëlindjes 1996 është marrë nga Borussia Monchengladbach për 4.5 milionë plus bonuse. Ditë vizitash mjekësore edhe për mbrojtësin Federico Gatti. Mbi 23 vjecari ishte gjithashtu edhe Torino, por bardhezinjtë bindën Frosinonen, me të cilin lojtari spikati në gjysmën e parë të sezonit: Gatti do të mbyllë sezonin me Frosinonen, në Serinë B, dhe më pas do të fillojë aventurën e tij me Juven verën e ardhshme.
#Juve, ecco #Zakaria: visite mediche per il nuovo centrocampista di #Allegri
👉 @SimoneDinoi pic.twitter.com/K5D8ld1xfz— TUTTOmercatoWEB (@TuttoMercatoWeb) January 31, 2022
E ndërkohë, Aaron Ramsey do të largohet nga Juventus. Pas disa refuzimeve, mesfushori uellsian i ka thënë po Rangers të Glasgow, ku do të kalojë në huazim me të drejtë blerje. Juve do të paguajë një pjesë të pagës deri në qershor.