Pasi fitoi pesë tituj kampion, katër Kupa të Italisë dhe dy Superkupa të Italisë me fanellën e Juventus, Juan Cuadrado festoi tringjyrën e tij të parë me Inter. Kolumbiani ndryshoi qytet, pasi u “shkarkua” nga Zonja e Vjetër në fund të sezonit të kaluar. E tani, Cuadrado ka menduar se është momenti i hakmarrjes.
Nuk është rastësi që ish-lojtari bardhezi është bërë pjesëmarrës pikërisht i korit të njohur tashmë të tifozëve ‘kush nuk kërcen është bardhezi’. Kori i mijëra tifozëve që duartrokitën zikaltrit përgjatë paradës që e çoi ekipin nga San Siro në Duomo ka parë të hidhej pikërisht ai që me fanellën e Juventus ka qenë i lidhur fort. Një hakmarrje e vogël që nuk i ka pëlqyer aspak ish-tifozëve të anësorit kolumbian, i cili u mbulua nga ofendimet përmes rrjeteve sociale.
View this post on Instagram
Lexo më tej: Inter, një festë e paparë asnjëherë me një numër të ri në mendje: Marotta mendon që tani për… 21
Një kor të cilit në fakt i është përgjigjur edhe tekniku zikaltër Simone Inzaghi. Tekniku i Inter, gjatë ndeshjes me Torinon të fituar 2-0, ka reaguar ndaj thirrjeve të San Siros duke u kthyer nga tifozët duke nisur të kërcejë. Në fund të fundit, Inzaghi nuk është se kishte ndonjë lidhje me Juventus, si Cuadrado.
Join in, Coach! 😁#ForzaInter #IM2Stars pic.twitter.com/iKAdCJwvif
— Inter ⭐⭐ (@Inter_en) April 28, 2024