Gjykata e Tiranës ka caktuar masën “arrest me burg” për efektivin e policisë, Arbër Sula i cili plagosi të riun Jurgen Dako në një konflikt për radhën. Ngjarja ka ndodhur në një market pranë rrugës “Irfan Tomini” në mesin e muajit dhjetor 2021. Ish-efektivi Sula rrëfen se nuk e njihte viktimën. Ata u konfliktuan për radhën e pagesës në kasë dhe më pas Sula pranon se e qëlloi 29-vjeçarin Dakon nga paniku.
U desh dy muaj e gjysmë që ish-efektivi të dorëzohej në komisariatin nr.2 në kryeqytet. Gjatë kësaj kohe Sula pranon se është fshehur brenda vendit dhe nuk ka tentuar të largohet.