Paraqitje fantastike e Fiorentinës, që bllokoi kampionët e Italisë të Interit në një barazim 1-1 në San Siro. Vendosën golat e Lucas Torreiras në minutën e 50 dhe Denzel Dumfries 5 minuta më vonë. Pikërisht autori i golit të avantazhit për skuadrën e Italianos ka pasur një sfidë plot ngjarje. Në fakt, pas një përplasje loje, në pjesën e dytë, uruguajani humbi edhe një dhëmb, si pasojë e goditjes së marrë. Fatmirësisht lojtari e ka marrë me të “qeshur”, siç dëshmon edhe postimi që ka publikuar pas ndeshjes në Tëitter.
“Një pikë më shumë, por një dhëmb më pak”. Mund të përcaktohet me vetë fjalët e tij transferta në San Siro e Lucas Torreiras, i impenjuar me Fiorentinën e tij në fushën e kampionëve të Italiasë në javën e 30 të Serie A. Pas goditjes së marrë në fushë, ku humbi edhe një dhëmb, lojtari vazhdoi të qëndronte në fushë dhe duke mbajtur pak pambuk në gojë për të mbyllur plagën.
+ 1 – 🦷 #Antidoping 🤣💜🤣💜🤣 pic.twitter.com/I808NrOSkg
— Lucas Torreira #LT14 (@LTorreira34) March 19, 2022