Një vatër zjarri ka shpërthyer në pyjet e Kukësit, në Njësinë Administrative Malzi, duke djegur afro 8-10 hektarë. Zjarri u shfaq në një sipërfaqe pyjore më dushk dhe dëllinjë. Bashkia e Kukësit ka angazhuar 8 efektivët për të bërë të mundur shuarjen dhe izolimin e zjarrit.
Për shkak të terrenit mjaft të thyer malor, grupet e punës ecin në këmbë ndërsa operacioni për shuarjen e zjarrit është i vështirë, favorizuar dhe nga erërat e forta që përhapin flakët.