Një aksident i rëndë është regjistruar mesditën e sotme në aksin rrugor Elbasan-Librazhd. Mësohet se një kamion është përplasur me një furgon mallrash. Për pasojë ka mbetur i plagosur drejtuesi që drejtonte furgonin, i cili është transportuar menjëherë drejt spitalit për të marrë shërbimin e nevojshëm mjekësor.
Paraprakisht dyshohet se shkak i aksidentit ka qenë lagështira në rrugë, por policia që ka mbërritur në vendin e ngjarjes po heton rrethanat.