• |
ide | kryesore

Veseli e bën sfidë brenda sfidës në kombëtare: “Mbrojtja bën punën e saj, pastaj varet nga sulmuesit të shënojnë”

-Instant, Sport, Video

Një vend si titullar do të ishte ëndërra edhe e Frederic Veselit, pavarësisht se mbrojtësi kuqezi e ka të qartë se hierarkitë e repartit janë të vështirë të tejkalohen. Lojtari i Salernitanës ka kaluar dëmtimin dhe shprehet se është gati për këto sfida, jo vetëm nga ana fizike, por edhe nga ajo mentale. “Është e vështirë sepse kemi mbrojtës ekspertë dhe shumë të fortë. Secili nga ne luan në kampionate të nivelit maksimal, por kur vjen në Kombëtare është momenti që vlen dhe vendos trajneri kush luan. Jemi të gjithë të aftë që të luajmë që nga minuta e parë, ose nëse ka nevojë, të hyjmë në lojë kurdo”.


I pyetur nëse Shqipëria është favorite e grupit, Veseli përgjigjet ‘po’ sigurtë, ndërsa konfirmon edhe vullnetin që ka skuadra për të dhënë 200% për t’u renditur të parët në grup. “Ne shpirtërisht mendojmë se kemi çdo mundësi të fitojmë dhe mund ta konfirmoj se kemi vullnetin jo 100, por 200% për të dhënë maksimumin dhe për të arritur vendin e parë për të kaluar në Ligën A ku do të kemi kundërshtarë shumë të fortë. Edhe si eksperiencë personale për çdo lojtar edhe si eksperiencë për grupin e për tifozët tanë që na shikojnë, pse jo të shohin ndeshje kundër skuadrave shumë të forta dhe me nivel shumë të lartë – tregoi ambicjet Veseli, duke i hedhur një lloj doreze sfide edhe sulmit -. Dihet që kampionati italian ka prodhuar mbrojtës me shumë famë dhe kualitet. Besoj se i yni është repart që duhet të jetë i fortë për të synuar fitore dhe rezultat pozitiv, pasi nëse nuk funksionon mbrojtja, nuk fitohet loja. Ne nga mbrapa bëjmë lojën tonë, pastaj varet nga Vrioni dhe të tjerët për të shënuar”.



Lini një Përgjigje

Adresa juaj email s’do të bëhet publike.