31-vjeçari Marklen Haka mbeti i plagosur me një plumb në nofull këtë të mëkurë. Dyshohet se autori është një person që ai e njihte. Kjo pasi dyshohet që Haka ka dalë nga makina dhe është përballur me të. Agresori ka tentuar ta qëllojë në kokë, por e ka plagosur në nofull. Pas kësaj i riu shkoi vetë në spitalin e Traumës ku ndodhet jashtë rrezikut për jetën.
Marklen Haka është pjesë e të ashtuquajturës “Banda e Niklës”. Ai u bë i njohur në 2019-ën kur sërish i shpëtoi vrasjes. Autorët i shkuan në shtëpi dhe e qëlluan me breshëri sapo doli në oborr, por humbi jetën vetëm halla e tij, Shpresa Basha. Haka arriti të shpëtonte vetëm me një plumb në krah.
Haka ka përfunduar për herë të parë në pranga kur ishte 20 vjeç, i dyshuar për vrasje. Ai u arrestua më 29 qershor të vitit 2011, i dyshuar nga Prokuroria e Tiranës si autori i vrasjes së biznesmenit Nadien Zenelit mbrëmjen e 13 qershorit të po atij viti, në një nga baret tek ish-Blloku në kryeqytet.
Ai e mohoi vrasjen dhe tha se nuk ka qenë në Tiranë ditën e ngjarjes. Haka u la i lirë pas disa muajsh, pasi nuk u arrit t’i faktohej vepra penale dhe Prokuroria nuk kishte prova të mjaftueshme për ta shpallur të fajshëm.
Më pas në 12 shtator 2018, ai u arrestua bashkë me të atin dhe 2 persona të tjerë. Policia arriti të gjente vetëm disa armë pa leje dhe për këtë u dënua me 1 vit heqje lirie. Dënimin që e përfundoi në korrik të 2019.
Dy muaj më pas e plagosën. Haka njihet për miqësinë me Valter Bamin, vëllain e Durim Bamit, i cili e transportoi të plagosur në spital në 2019-ën.
Ndërsa në janar të këtij viti ai u prangos nga RENEA-s pas një operacioni që çoi në arrest 19 persona. Por sërish u lirua.
Tani duhet që Haka të flasë se kush është personi që e qëlloi dhe përse. Policia ende nuk ka një pistë konkrete, por dyshohet se ka lidhje me hasmëritë e mëparshme të familjes së njohur në zonën e Niklës. ©LAPSI.al
Po per cfare na duhet ta dime se kush eshte apo ka premisa per deputet