Kanye West thuhet se është paditur nga një shërbim i modës pasi nuk ka shlyer tarifat që i detyrohej kompanisë.
Dokumentet e gjykatës, marrë nga Billboard, u depozituan nga kompania e qirasë në një gjykatë në Los Anxhelos.
Sipas dosjes, West i detyrohet Arkivit të David Casavant 221,810 dollarë. Kompania e qirasë në pronësi të David Casavant, 31 vjeç, po kërkon gjithashtu një shtesë prej 195,100 dollarësh për të zëvendësuar sendet nëse ato humbasin plotësisht.
Në dosje, Casavant – i cili ka bashkëpunuar me Gaga, Kim Kardashian, Rihanna dhe Tom Brady,shkroi se ka punuar me reperin dhe Yeezy Apparel LLC që nga viti 2014.
Nëse West humbte ndonjë nga artikujt, shkruajnë avokatët e Casavant, atij i faturohej një tarifë zëvendësimi. Nëse do të dëshironte të mbante ndonjë nga artikujt për më gjatë, ai do të vazhdonte të paguante tarifat e qirasë pa asnjë problem.
Të njëjtat kushte, të cilat ishin “të shprehura gojarisht dhe me shkrim dhe u pasqyruan në shumë vite të marrëdhënieve të mëparshme”, zbatoheshin për 13 artikujt e marrë me qira nga Kanye në shkurt 2020. Megjithatë, pagesat për to u ndaluan tërësisht në tetor, pretendon Arkivi David Casavant në paraqitjen.
Lajmi për padinë vjen një javë pasi artisti u padit për shkelje të të drejtave të autorit në albumin e tij të fundit Donda 2.
Sipas një ankese të paraqitur në Gjykatën e Qarkut të SHBA-së në Nju Jork, West mori mostrën e hitit të Morgan Jefferson të vitit 1986 “Move Your Body” në këngën e tij “Flowers” pa pëlqim ose kompensim./Lapsi.al
Nuk perkthehet me google translate.