Pep Guardiola i ndjekur nga pas natën nëpër rrugët e Mançesterit. Po bën xhiron e internetit videoja që ka si protagonist teknikun katalanas. Ish-tekniku i Barcelonës ishte duke ecur me biçikletë dhe po ndiqet nga pas nga një burrë, që është edhe autori i videos. Ky i fundit bërtet dhe i kërkon Guardiolës të ndalojë, por 51-vjeçari fillimisht nuk ndalet dhe vazhdon të pedalojë, ndoshta duke menduar se njeriu kishte qëllime të këqija. Në fund, megjithatë, trajneri ndalet dhe gjendet ballë për ballë me ndjekësin. Një bandit? Jo. Vetëm një tifoz i entuziazmuar që donte një foto.
Pak javë pasi fitoi Premier League me Manchester City, Guardiola u kthye në Angli për stërvitje para-sezonale. 51-vjeçari nuk humbi kohë duke iu rikthyer ritmit të jetës së qytetit dhe, gjatë fundjavës, u pa duke shëtitur me biçikletë nëpër rrugët e qendrës së Mançesterit. Gjatë një prej daljeve të tij të natës, një tifoz e ka parë dhe e ka ndjekur me shpresën për të bërë një foto me spanjollin.
Tifozi filmoi gjithçka dhe më pas e postoi videon në TikTok. Ai filmoi veten duke ndjekur trajnerin katalanas në një rrugicë të ngushtë pranë Parsonage Gardens. Në video ai dëgjohet duke bërtitur: “Aye Pep, më lër të bëjmë një foto vëlla! Yo! Burri im po pi duhan, yo! Aye Pep! Epo, jo, duhet ta shohësh! Oh Zoti im!”.
Un negro persigue a Guardiola en bicicleta para pedirle una foto y Guardiola cree que le quiere robar y le da la bicicleta. pic.twitter.com/Rtl8k02ZlA
— Wall Street Wolverine (@wallstwolverine) July 11, 2022
Guardiola, megjithatë, vazhdoi të pedalojë. Pas disa metrash, trajneri u ndalur dhe tifozi e arriti. Në fund, katalanasi zbriti nga biçikleta, por nuk dukej fare i lumtur me ndjekjen. Megjithatë, tifozi vazhdoi pa frikë: “Yo Pep! Lermë të bëjmë një foto, pse po ikën vëlla, më lër të bëjmë një foto o vëlla! Më lejo të bëjmë një foto, dua vetëm një foto! Dua vetëm një foto”. Trajneri pranoi, por më pas refuzoi të shkëmbente përshëndetjen me ndjekësin e tij dhe u fut në një ndërtesë të zonës.
Është e paqartë se kur janë filmuar pamjet, por postimi është bërë në TikTok në orët e para të mëngjesit të së hënës. Guardiola dhe skuadra e tij do të qëndrojnë në Mançester për një javë, më pas do të nisen për në turneun e SHBA-së. City do të përballet me klubin meksikan Club América dhe Bayern Munich përpara se të përballet me Liverpool në finalen e Community Shield më 30 korrik.