Sipas një raporti nga Variety, aktori Kevin Spacey ka hequr dorë nga një film i ardhshëm për Genghis Khan.
Aktori i House of Cards ishte vendosur të luante si një “njeri i shenjtë” në Chelsea Pictures 1242: Gateway to the West, por producenti i filmit Bill Chamberlain i tha botimit se ai është zëvendësuar nga një aktor tjetër.
CEO i Galloping Entertainment Carlos Alperin tregoi pë r Variety se kur Spacey u akuzua në maj, producentët e filmit filluan të diskutojnë për të ardhmen e filmit.
Por, të enjten, ai u deklarua i pafajshëm për katër akuza për sulm seksual ndaj tre burrave.
Shërbimi i Prokurorisë së Mbretërisë së Bashkuar fillimisht njoftoi akuzat kundër fituesit të Oscars më 26 maj . Kevin deklaroi pesë ditë më vonë se ai “do të paraqitej vullnetarisht” në gjykatë për t’u përballur me akuzat.
“Unë e vlerësoj shumë deklaratën e Shërbimit të Prokurorisë së Kurorës në të cilën ata i kujtuan me kujdes mediave dhe publikut se kam të drejtë për një gjyq të drejtë dhe i pafajshëm derisa të provohet e kundërta,” tha aktoripër Good Morning America.
Në një seancë paraprake më 16 qershor, atij iu dha lirimi me kusht në Gjykatën e Magjistraturës Westminster në Londër, pasi ekipi i tij ligjor argumentoi se nuk kishte “rrezik real” që ai të mos bashkëpunonte, sipas The Hollywood Reporter.
Një gjykim tre deri në katër javë është planifikuar të fillojë më 6 qershor 2023, sipas burimeve të shumta./Lapsi.al