Lazio merr fitoren e tretë në ndeshjen e tretë miqësore të para-sezonit, duke kaluar 3-1 Triestinën me golat e Immobile, Basic dhe Bertinit. Formacioni kryeqytetas vazhdon të bëjë mirë dhe të bindë me performancat në fushë. Provat e vërteta, në fakt, me respektin maksimal për kundërshtarët, nuk kanë ardhur ende dhe tashmë nga ndeshja ndaj Genoas në Austri më 27 korrik, mund të nisin llogaritë e para reale. Megjithatë, shenjat janë pozitive dhe ky mbetet fakt. Në pritje të sfidave më të rëndësishme në fund të ndeshjes së Zandegiacomos, Elseid Hysaj ka thënë fjalën e tij, i intervistuar nga mikrofonët zyrtarë të klubit bardhekaltër.
INTERVISTA
Luajtët dyzet e pesë minuta. Çfarë ndeshje ishte?
“Mendoj se ishte një ndeshje e mirë, ne jemi ende në mes të fazës përgatitore dhe mendoj se është normale që jemi pak të lodhur. Por skuadra po ecën mirë, shpresojmë të vazhdojmë kështu”.
Kanë ardhur kaq shumë lojtarë të rinj, si po sillen?
“Jam i kënaqur me atë që po bëjnë të gjithë lojtarët e rinj, shpresojmë të jemi gati për kampionatin”.
Ka shumë mbrojtës mes të rinjve, e të kemi parë në të gjitha rolet. A të shfrytëzojnë ndopak shokët e tu për të kuptuar qëllimet e Sarrit?
“Po, flasim herë pas here, por siç thotë gjithmonë trajneri “Mos e dëgjoni kurrë Hysajn” edhe pse kam dhjetë vjet që punoj me të (qesh). Por janë të shpejtë të kuptojnë edhe në stërvitje, se çfarë kërkon trajneri”.
Duket se ka një atmosferë ndryshe nga viti i kaluar. Cili është ajri mes jush në grumbullim?
“Patjetër që po shkon mirë, shoh më shumë njerëz dhe ka një atmosferë pozitive. Është diçka që mund të na ndihmojë në funksion të sezonit”.