Pas përplasjes së ashpër me Ivan Juric, Drejtori Sportiv i Torinos Davide Vagnati shpjegoi se çfarë ndodhi, në mikrofonat e Sky Sport. “Nuk ishte një gjë e bukur për tu parë, por kur dy njerëz kujdesen për t’i bërë gjërat siç duhet, kjo ndodh – tha drejtori i Torinos -. Trajneri do t’i donte lojtarët sa më shpejt të jetë e mundur, klubi po bën gjithçka që është e mundur, në një merkato të vështirë. Trajneri ka dëshirë të madhe”. “Ne u përqafuam dhe thamë atë që kishim për të thënë: ne jemi njerëz të vërtetë që i themi gjërat njëri-tjetrit ashtu siç janë – shtoi ai -. Falë këtyre grindjeve mund të fillojmë përsëri dhe do të jetë një pikënisje e re”. “Pasojat? Pasoja është pozitive, prej këtu fillojmë sërish me bindje”, vijoi Vagnati.
Pasi kaloi momenti i zemërimit, në shtëpinë e Torinos janë gati të rifillojnë punën me entuziazëm. “Kur ka diskutime, ndoshta thuhen gjëra që nuk i mendon, por është pjesë e çdo marrëdhënieje: e rëndësishme është të kuptojmë përse, ne të dy duam të bëjmë mirë me Torinon – vazhdoi drejtori granata –. Duhet tja japim lojtarët sa më shpejt të jetë e mundur”. “Trajneri ka shqetësimet e tij, ne duhet të ndërhyjmë sa më shpejt për atë që kemi nevojë – vazhdoi Vagnati, duke folur për nevojën për të shënuar operacionet në hyrje -. Nuk është një cështje numerike, por cilësie. Ne kemi nevojë për lojtarët e duhur për llojin tonë të futbollit. Nuk do të jenë dhjetë, do të jenë më pak. Ne duhet të përmirësojmë ekipin”.