Antonio Conte dëshiron të thotë fjalën e fundit për sherrin me Thomas Tuchel në fundin e derbit të Londrës Chelsea-Tottenham: trajneri i Spurs ka publikuar në Instagram një histori, në të cilën shihet kundërshtari duke brohoritur pas shpinës së tij pas avantazhit 2-1 të Blues, me fjalët “Pate fat që nuk të pashë … një stërkëmbësh do të kishe merituar plotësisht…” shoqëruar me tre emoticon të buzëqeshura. Referimi ka të bëjë me momentet e tensionit që pasuan shtrëngimin e duarve në fund të lojës kur Conte nuk denjoi të shihte në sy Tuchel, i cili më pas nuk ia lëshoi dorën, duke ndezur turbullirat mes të dyve, që ishin shfaqur të tensionuar edhe gjatë ndeshjes për ngazëllimin e madh të italianit pas barazimit të Tottenham.
“Kur shoh agresivitet, përgjigjem po në mënyrë agresive: pak por e sigurt. Mendoj se edhe u argëtuam, herën tjetër do t’i kushtojmë më shumë vëmendje dhe nuk do t’i japim dorën drejtpërdrejt njëri-tjetrit duke e zgjidhur problemin. Kur pasioni është kaq i lartë nga të dyja palët, kjo mund të ndodhë.” – kishte thënë Conte gjatë konferencës.
“Mendoja se duhet parë tjetri në sy kur i jep dorën në fund të ndeshjes, padyshim që Conte nuk e mendon kështu. Gjithsesi, nuk ka problem, futbolli është edhe ky. Jetojmë me emocione dhe të dy jemi trajnerë të pasionuar. Në fund të fundit, u argëtova dhe mendoj edhe ai”, shtoi Tuchel në fund të ndeshjes, gjatë të cilës të dy teknikët u përjashtuan nga fusha.