Prokuroria e Tiranës ka mbyllur hetimet për Ludjan Zaimin. Zaimi është efektivi i policisë i akuzuar për vrasjen e kolegut të tij, Çaush Saliasi, brenda komisariatit nr.3 në kryeqytet. Sipas prokurorisë, i riu duhet të gjykohet për akuzën e “vrasjes së punonjësit të policisë”. Pas përfundimit të hetimit, avokatët kanë 10 ditë kohë të paraqesin kundërshti, para se dosja të dërgohet në seancë paraprake.Efektivi 25-vjeçari pretendoi pas ngjarjes se ishte bullizuar dhe fyer në vijimësi prej tij. Ai ishte punonjës i Patrullës së Përgjithshme, prej gati 1 viti e gjysmë. Plumbat e armës së tij ranë mbi efektivin tjetër të patrullës, 55-vjeçarin Çaush Saliasi, i cili mbante uniformën e policisë prej më shumë se 20-vitesh. Gjithçka ndodhi pak para se dy efektivët të merrnin shërbimin e turnit të tretë. Plagët e rënda i morën jetën Saliasit, ndonëse u dërgua për ndihmë në spital.
Lexo më tej: Vrau kolegun brenda në komisariat, zbardhet dëshmia e policit
“Më ofendonte shpesh. Edhe mbrëmë vazhdoi me këtë. Nuk durova dot më”, mësohet të ketë treguar i riu, i cili ka shfaqur pendesë pas krimit. I riu i është drejtuar 55-vjeçarit me fjalët “si do e lemë bashkë”. Më pas e ka qëlluar disa herë me pistoletë.
Të njëjtët kanë rrëfyer se i riu nuk është ankuar për ndonjë problematikë, por ka qenë tip i mbyllur me kolegët. Burime pranë grupit të hetimit, bënë me dije së në banesën e 25-vjeçarit janë gjetur medikamente antidepresantë, si edhe janë krijuar dyshime se ai ka pasur kontakt me një mjeke të shëndetit mendor.