• |
ide | kryesore

Video/ Tmerr në Kili, shembet tribuna e Monumental: dhjetëra tifozë të plagosur

-Instant, Sport, Video
Monumental

Një ditë feste përfundoi me tmerr, por fatmirësisht pa viktima. Videot dhe fotot që vijnë nga Kili janë të frikshme dhe tregojnë për aksidentin e tmerrshëm. Ngjarja ndodhi në Estadio Monumental në Santiago de Chile, gjatë një seance stërvitore të Colo Colo. Mijëra tifozë ishin dyndur në tribuna për të karikuar lojtarët e tyre në funksion të derbit në kampionat. Por ‘David Arellano’, njëra nga tribunat, u kthye në një kurth pas rënies së një strukture të stadiumit, që shkaktoi shumë të plagosur.


Videot e xhiruara drejtpërdrejt nga tribuna, nga disa spektatorë, ndihmojnë në rindërtimin e dinamikës së episodit. Një strukturë reklamuese që kapërcente pjesën e tribunës ku ishin dyndur me qindra njerëz, nuk mundi të përballonte peshën dhe përfundoi duke u shembur, duke bërë që tifozët të bien poshtë. Fatmirësisht, megjithëse nuk ka ende një konfirmim zyrtar, mediat kiliane sigurojnë se nuk ka viktima. Vetëm rreth njëzet të plagosur, asnjë prej të cilëve nuk është në gjendje të rëndë.


Lojtarët e Colo Colo, të cilët në atë moment ndodheshin në drejtkëndëshin e gjelbër duke u stërvitur, u kthyen menjëherë në dhomat e zhveshjes. Në atë moment, mijëra spektatorë të frikësuar që kërkonin të largoheshin u derdhën në fushë.


Lini një Përgjigje

Adresa juaj email s’do të bëhet publike.