Përplasen dy makina me njëra-tjetrën, aksidentohet gruaja në Gjirokastër

Një automjet me drejtues shtetasin A. B., është përplasur me një makinë që drejtohej nga shtetasja R. K. Kjo e fundit ka dalë nga rruga duke goditur shtetasen V. B. Gruaja  është plagosur dhe është dërguar në spitalin rajonal për të marrë ndihmën mjekësore. Ngjarja ka ndodhur rreth orës 13:35, në vendin e quajtur “Rrethrrotullimi i lagjes Punëtore”.
Ende nuk dihet si ka ndodhur përplasja dhe shkaqet e aksidentit, ndërkohë që pritet ekspertiza nga grupi hetimor që ka mbërritur në vendngjarje.