Ka ndërruar jetë në moshën 32-vjeçare sulmuesi japonez Masato Kudo. Këtë e ka bërë të ditur sot klubi i tij, Tegevajaro Miyazaki (divizioni i tretë). Kudo vdiq papritur pas një operacioni në tru. Ai ishte “një lojtar shumë i suksesshëm” që “nuk kishte arrogancë dhe ishte gjithmonë shumë simpatik me shokët e tij, klubin dhe tifozët”, thekson klubi i Tegevajaro Miyazaki. Në karrierën e tij Kudo kishte luajtur edhe katër ndeshje me Japoninë (dy gola) dhe kishte fituar kampionatin japonez në vitin 2011 me Kashiwa Reysol.
Klubi e bëri të qartë se lojtari vdiq nga një sëmundje e rëndë e pas një operacioni në tru. Kudo, i cili kishte katër paraqitje për kombëtaren (2 gola), fitoi kampionatin japonez në vitin 2011 me Kashiwa Reysol. Ai pati përvoja të shkurtra me Vancouver Whitecaps dhe në Australi me Brisbane Roar. “Ai kishte një personalitet të mrekullueshëm dhe vinte në stërvitje çdo mëngjes me një buzëqeshje rrezatuese në fytyrën e tij”, tha tekniku i Brisbane, Warren Moon. “Do të na mungojë shumë dhe mendimet tona – shtoi ai – janë pranë gruas dhe mbesës së tij në këtë moment të trishtuar”.
POSTIMI I BRISBANE ROAR
Our thoughts go out to Masato Kudo, who is intensive care after brain surgery in Japan.
Kudo was part of our 2020-21 Isuzu UTE A-League squad, where he made 14 appearances.
We hope for a full recovery. pic.twitter.com/0WDiAmOUPf
— Brisbane Roar FC (@brisbaneroar) October 18, 2022
Në një postim në Twitter, Brisbane Roar, skuadra me të cilën ai kishte luajtur, shkruante ditët e fundit: “Mendimet tona shkojnë te Masato Kudo, i cili është në kujdes intensiv pas operacionit në tru në Japoni. Kudo ishte pjesë e ekipit tonë Isuzu UTE A-League 2020-21, ku bëri 14 paraqitje. Shpresojmë për një rikuperim të plotë”. Fatkeqësisht kjo nuk ndodhi, sulmuesi japonez nuk mundi të merrte fitoren e tij më të rëndësishme.