Flavio Briatore ka dalë nga spitali San Raffaele në Milano ku iu nënshtrua një operacioni në zemër. “Kam pasur një masë beninje që është hequr me një operacion minimal invaziv, duke përdorur një teknikë endoskopike”, tha vetë ish-menaxheri i ekipit të Formula 1 në një video të publikuar në profilet e tij sociale. “Dhjetë ditë më parë shkova në San Raffaele për të bërë një kontroll rutinë dhe më gjetën një tumor beninj në zemër. Ndërhynë menjëherë, jam këtu e po ju tregoj për këtë, isha dhjetë ditë në San Raffaele i zhdukur nga të gjitha mediat sociale”. Pastaj Briatore bën një apel: “Parandalimi mjekësor është thelbësor!”.
Lexo më tej: F1/ Briatore, proteston për padrejtësinë që iu bë Ferrarit: “FIA e papërshtatshme, unë do kisha thyer çdo gjë”
“Duhet të falënderoj mjekët në San Raffaele, ata ishin të shkëlqyeshëm, duhet të falënderoj Elisabetta Gregoraci e cila ishte me mua gjatë gjithë kësaj periudhe dhe djalin tim që erdhi për të më vizituar nga Monako. I kisha pranë të gjithë miqtë e mi”, tha sërish Briatore -. E rëndësishme është që ne duhet të kontrollojmë veten dhe të mos e neglizhojmë. Këtë kontroll e kam bërë para dy vitesh dhe nuk kisha asgjë, ndërsa tani më kanë gjetur këtë gjë, por tani për fat jam këtu. Kirurgjia ishte një sukses i përsosur dhe falënderoj ngrohtësisht Prof. Francesco Maisano, Ekipin e Kujdesit Intensiv Kardiokirurgjik dhe Departamentin legjendar të 1° Q të San Raffaele”, shtoi ai.