Këngëtarja , Nora Istrefi ka folur së fundmi për ndarjen nga Robert Berisha. E ftuar në emisionin, “Më lër të flas”, Nora tregoi arsyet dhe si e përjetoi ndarjen nga muzikanti.
“E kemi marrë vendimin të dy. Me Robertin jam fejuar në moshën 23 vjeçare. Kemi qenë për 14 vite bashkë. Kohën më të mirë të jetës e kam kaluar me Robertin. Më ka pëlqyer gjithçka, sensi humorit, pamja, gjithçka. Por nuk shkoi ashtu siç e kisha parashikuar, lidhja ka pasur shumë kriza. Disa gjëra kam dëshirë që t’i mbaj për vete. Përse vendosëm deri te divorci ishte që të kemi qetësi shpirtërore dhe që Renee të ketë një ambient të përshtatshëm”, u shpreh Nora.
“Sigurisht ka qenë shumë e vështirë, tepër. Ka qenë vështirë edhe për mua edhe për vajzën. Ka qenë edhe më i vështirë vendimi derisa e kam marrë. Nuk mundem ta përshkruaj me fjalë”, vazhdoi më tej ajo. “Më kanë ndihmuar miqtë, më kanë qëndruar afër. Nuk janë pajtuar me vendimin tim, por më kanë qëndruar afër”.
Artistja u pyet gjithashtu nëse ka nisur një romancë të re dashurie. “Prioritet është vajza për mua. Për momentin s’ka një lidhje tjetër. Kur të ketë, kam me ju tregu vetë”, deklaroi Istrefi./Lapsi.al
