Bota e futbollit, por jo vetëm, është në këto orë e shqetësuar për gjendjen shëndetësore të Gianluca Vialli. Ish-sulmuesi i Cremonese, Sampdoria dhe Juventus po përballet me kancerin në pankreas, me të cilin lufton prej pesë vitesh. Vialli kur zbuloi për herë të parë sëmundjen e quajti si “mysafir i paftuar” dhe “shoqërues udhëtimi që me kënaqësi do ta kisha shmangur”. Javën e kaluar Vialli njoftoi ndërprerjen e angazhimeve me Federatën Italiane të Futbollit. Kjo pikërisht për shkak të gjendjes së tij shëndetësore. “Duhet ta ndihmoj trupin tim – saktësoi ai – që ta kapërcejë këtë fazë të sëmundjes”.
Vialli prej disa kohësh jeton në Londër dhe pikërisht aty është shtruar në klinikën ku tashmë kishte kryer dy cikle kimioterapie më herët. Gjendja e tij është përkeqësuar orët e fundit dhe nëna e tij 87-vjeçare Maria Teresa fluturoi dje nga Kremona për në Angli. Shenjë e situatës kritike që po kalon ish-kampioni italian.
Ditët e fundit ka pasur shumë mesazhe solidariteti, afërsie dhe dashurie nga e gjithë bota e futbollit. Shumë ish-bashkëlojtarë (për shembull Mancini, Ravanelli dhe Cabrini), apo edhe lojtarë që ka drejtuar gjatë karrierës si trajner (Thierry Terry), dhe miq e të njohur kanë dashuri t’i japin zemër. Të gjithë të shtrënguar rreth njërit prej personave më të dashur dhe më ikonë të sportit italian.
Sempre al tuo fianco 💪🏻🔘🔴 pic.twitter.com/UdiTbCxWmy
— U.S. Cremonese (@USCremonese) December 20, 2022