Një aksident ka ndodhur mëngjesin e sotëm në rrugën ‘Burrel-Klos’. Mësohet se dy automjete janë përplasur. Drejtuesi i automjetit tip ‘Benz’ i identifikuar si D.T është përplasur me mjetin tip ‘Peugeot’ që drejtohej nga L.K.
Si pasojë e përplasjes, janë plagosur 2 drejtuesit e mjeteve dhe 4 pasagjerë. Ata po marrin ndihmën mjekësore në spital dhe raportohet se ndodhen jashtë rrezikut për jetën. Grupi hetimor po kryen hetimet në vendngjarje.