Kërcënime dhe fyerje përmes rrjeteve sociale pas publikimit të dënimit ndaj Juventus. Në shënjestër të tyre ka qenë prokurori i Federatës italiane të futbollit, Giuseppe Chinè, presidenti Gabriele Gravina dhe partnerja e tij, Francisca Ibarra. E gjitha ka lindur nga një histori false në Instagram, ku -15 ishte shoqëruar me logon e shoqërisë bardhezi. Për të gjitha këto raste – sqaron Ansa – është duke u zhvilluar raportimi në organet kompetente. Nga FIGC filtron “indinjata për fyerjet dhe kërcënimet”, si dhe “solidariteti me marrësit e këtyre sulmeve sociale”.
Sanksioni maksimal ndaj Juves nga Gjykata Federale e Apelit shkaktoi, siç ndodh shpesh, reagimin e dhunshëm të tifozëve në rrjetet sociale. Rrjeti mund të jetë një enë urrejtjeje shkatërruese në të cilën ata që shkruajnë pas tastierës arrijnë të ndihen të paprekshëm. Kështu që, duke filluar nga dje, ka pasur ofendime e kërcënime, edhe me vdekje, ndaj prokurorit të FIGC Giuseppe Chiné dhe presidentit federal Gabriele Gravina.
Jo vetëm. Në shënjestër të tifozëve ka qenë edhe shoqëruesja e numrit një të federatës, Francisca Ibarra. Asaj i është atribuar një histori false në Instagram ku spikaste një -15 me logon e shoqërisë bardhezi. Një falsifikim që nuk ka bërë gjë tjetër veçse ka nxitur tensionet. Raportimi në organet kompetente është ende në vazhdim për të gjitha këto raste. Ndërsa “zemërimi” për sulmet e dhunshme sociale filtron nëpër FIGC, bashkë me solidaritetin e plotë për marrësit.