Një 60-vjeçar është arrestuar në Pogradec. Ai ishte shpallur në kërkim pasi ishte dënuar nga Gjykata pasi ndihmonte emigrantët të kalonin ilegalisht kufirin. Gjykata e Shkallës së Parë për Korrupsionin dhe Krimin e Organizuar e ka dënuar këtë shtetas me 6 vjet e 8 muaj burgim. 60-vjeçari ishte dënuar për veprën penale “Ndihma për kalim të paligjshëm të kufijve”. Ai e ka kryer këtë vepër më shumë se një herë, në formën e grupit të strukturuar kriminal.
Materialet procedurale i kaluan për veprime të mëtejshme, Prokurorisë së Posaçme kundër Korrupsionit dhe Krimit të Organizuar.