Gruaja e Bruce Willis po kërkon nga paparacët t’i japin aktorit “hapësirë” pas diagnozës së tij. Emma Heming Willis hyri në Instagram duke u kërkuar fotografëve pasi aktori i “Die Hard” u përndoq në një dalje të fundit.
“Nëse jeni dikush që po kujdeset për dikë , ju e dini se sa e vështirë dhe stresuese mund të jetë të nxjerrësh dikë, qoftë edhe vetëm për të pirë një filxhan kafe”, tha ajo në një video. Emma po i referohej kafesë së fundit të yllit të “Pulp Fiction” në Santa Monica, Kaliforni. Gjatë daljes së rrallë publike të Bruce me dy miq javën e kaluar, paparacët u përpoqën të tërhiqnin vëmendjen e tij duke i bërtitur. “E di që kjo është puna jote, por ndoshta thjesht mbaj hapësirën tënde. Ju lutem, mos i bërtisni burrit tim, duke e pyetur se si po bën, çfarëdo qoftë, “vazhdoi Ema. Lejoni që familja jonë ose kushdo që është me të atë ditë të jetë në gjendje ta çojë atë nga pika A në pikën B në mënyrë të sigurt.”
Reagimi i saj vjen vetëm disa javë pasi familja zbuloi në një deklaratë të përbashkët se Bruce ishte diagnostikuar me demencë frontotemporale (FTD). “Ndërsa kjo është e dhimbshme, është një lehtësim që më në fund të kemi një diagnozë të qartë,” thanë Emma, së bashku me ish-bashkëshorten e Bruce, Demi Moore dhe pesë vajzat në një deklaratë.“FTD është një sëmundje mizore për të cilën shumë prej nesh nuk kanë dëgjuar kurrë dhe mund të godasë këdo. Ne jemi prekur shumë nga dashuria që të gjithë keni ndarë për bashkëshortin, babanë dhe mikun tonë të dashur gjatë kësaj kohe të vështirë. Dhembshuria, mirëkuptimi dhe respekti juaj do të na mundësojë ta ndihmojmë Bruce të jetojë një jetë sa më të plotë.”
