Antonio Conte dëshiron të rikthehet të drejtojë në Serie A, shkruan qartë sot Times. Conte u kthye në Londër pas pothuajse tre javësh të kaluar në shtëpi duke u rikuperuar nga heqja e fshikëzës së tëmthit. Për gazetën londineze, pushimi i tij në Itali, përforcoi bindjen e trajnerit të Tottenham “për t’u kthyer në shtëpi në fund të sezonit”. Times nënvizon se ish-trajneri i Inter tani është i përqendruar në fushë, në impenjimet e ardhshme të Spurs. Conte, kundër Milan, rrezikon të humbasë kalimin në çerekfinalet e Ligës së Kampionëve. Kështu, diskutimet mbi të ardhmen e tij shtyhen për muajt e ardhshëm. Megjithatë, për momentin, mundësia e rinovimit të kontratës konsiderohet nga tabloidi anglez si mjaft i largët.
“Nëse Tottenhami eliminohet nga Evropa – shkruan Times – rriten shanset që Conte dhe klubi të ndahen përpara skadimit të kontratës së tij në fund të sezonit. Spurs kanë mundësinë të zgjasin kontratën e tij aktuale me një vit, por 53 vjeçari italian e ka bërë të qartë. Do të qëndrojë në krye edhe sezonin e ardhshëm vetëm nëse është i lumtur. Kështu që ai pritet të kthehet në Itali këtë verë”.
Lexo më tej: Urrejtja për Inter njollos Milan-Tottenham: episodi i turpshëm gjatë heshtjes për viktimat e tërmetit
Megjithatë, një rikthim që duket jashtëzakonisht i komplikuar. Kjo duke pasur parasysh kërkesat ekonomike të Contes dhe gjendjen aktuale të financave të klubeve italiane. Megjithatë, nënvizon Times, javët e fundit ka pasur një “kontakt informal” mes trajnerit dhe Interit. Hipoteza për një afrim të bujshëm pas ndarjes dy sezone më parë megjithatë nuk ka asgjë konkrete. E megjithatë është një takim, që në rast lamtumire të Simone Inzaghi, mund të shndërrohet në diçka më konkrete.