Tottenham i Antonio Conte nuk arriti të depërtonte portën e Maignan dhe trajnerit iu desh të ulte kokën nën përmbytjen e Londrës. Italiani duhej të vuante kështu edhe polemikat e shkaktuara nga eliminimi i Spurs. Sikur të mos mjaftonte, kundër tij janë edhe dhomat e zhveshjes. Sulmi më vendimtar ndaj Conte ka ardhur nga një anëtar i ekipit. Në fakt, sulmuesi brazilian Richarlison doli para kamerave pas ndeshjes dhe foli hapur për marrëdhënien e tij me teknikun.
Sulmuesi hyri në lojë vetëm në minutat e fundit të ndeshjes dhe donte të shprehte zhgënjimin e tij për faktin se luan pak: “Unë jam profesionist, punoj çdo ditë. Dua të luaj! Ky sezon ka qenë m*t sepse nuk kam minuta dhe kam pësuar edhe një dëmtim. Kur hyj në fushë jap jetën”, e shpreh sulmuesi brazilian pas ndeshjes me Milan.
SULMI NDAJ CONTE
Më pas ai sulmoi direkt trajnerin: “Pse nuk luaj? Këtë nuk e kuptova as unë. Isha mirë, me dy fitore kundër West Ham dhe Chelsea, dhe papritur Conte më uli në stol. Kundër Wolves më aktivizoi pesë minuta. E pyeta përse dhe nuk më thanë asgjë”.
Një marrëdhënie që duket sikur nuk ka lulëzuar kurrë, ajo mes brazilianit dhe Antonio Conte. Italiani shpesh preferon ish-juventinin Kulusevski. Edhe për këtë fakt, braziliani ka dashur ta sqarojë, duke zbuluar një prapaskenë para ndeshjes kundër Milanit: “Më kërkoi të bëja një test në palestër. E më tha se nëse do të shkonte mirë do të luaja. Kur erdhi koha e lojës, ai më uli në stol. Këto janë gjëra që nuk mund t’i kuptosh. Nuk mund të luajmë kështu, na duhej një gol. Mendoj se duhet të kishim sulmuar, veçanërisht në pjesën e dytë”.
Richarlison: "Esta temporada está a ser uma merd*"
E ainda criticou o Conte… pic.twitter.com/613AtBBf10
— GonçaloDias17 (@goncalo_diass17) March 8, 2023