• |
ide | kryesore

Kualifikueset Euro 2024, Shqipëria zbret në fushë: skuadrat, datat, formati e gjithçka që duhet ditur

-Instant, F1, Sport
Shqipëria

Rrugëtimi i gjatë drejt “Euro 2024” po fillon dhe Shqipëria është gati. Në fakt, kualifikueset për Kampionatin Evropian do të zhvillohen nga marsi deri në nëntor 2023. Një radhë e mëtejshme do të jetë për ndeshjet play-off në mars 2024. Përveç Gjermanisë, vendit pritës, në fazën finale do të marrin pjesë edhe 23 kombëtare. Turneu është planifikuar të luhet nga 14 qershori deri më 14 korrik 2024. Le të shohim në detaje gjithçka duhet të dini rreth konkurrencës dhe rrugëtimin drejt finaleve.


KU DO TË LUHET EURO 2024?

Siç u vendos nga mbledhja e Komitetit Ekzekutiv të UEFA-s më 27 tetor 2018 në Nyon, “UEFA EURO 2024” do të zhvillohet në Gjermani. Në fakt, gjermanët mundën konkurrencën e Turqisë, i vetmi vend tjetër kandidat për të pritur këtë ngjarje. Gjermania Perëndimore kishte pritur më parë Kampionatin Evropian të Futbollit të vitit 1988. Por turneu nuk është luajtur kurrë në vend që nga ribashkimi i Gjermanisë.


KUR DO TË LUHET EURO 2024?

Faza finale e UEFA EURO 2024 është planifikuar për nga 14 qershor deri më 14 korrik 2024. Gjermania vendase do të luajë ndeshjen hapëse të turneut të premten më 14 qershor në Futboll Arena në Mynih.

KUR DO TË LUHET FINALJA E EURO 2024?

Finalja e UEFA EURO 2024 është në program për tu luajtur të dielën e 14 korrikut në Olympiastadion të Berlinit.

Lexo më tej: Video/ Sylvinho jep urdhërat e parë: kombëtarja zbarkon në Shtëpinë e re, shtatë lojtarë të diferencuar

CILAT QYTETE DO TË PRESIN EURO 2024?

Qytetet që do të organizojnë turneun janë:
Berlin: Olympiastadion Berlin (kapaciteti aktual: 70,000)
Këln: Stadiumi i Këlnit (47,000)
Dortmund: BVB Stadion Dortmund (66,000)
Dusseldorf: Dusseldorf Arena (47,000)
Frankfurt: Frankfurt Arena (48,000)
Gelsenkirchen: AufSchalke Arena (50,000)
Hamburg: Volksparkstadion Hamburg (50,000)
Leipzig: Stadiumi i Leipzig (42,000)
Mynih: Munich Football Arena (67,000)
Stuttgart: Stuttgart Arena (54,000)

SA SKUADRA KUALIFIKOHEN NË EURO 2024?

Si vend pritës, Gjermania kualifikohet automatikisht. Për gjermanët kjo është pjesëmarrja e 14-të radhazi në Kampionatin Evropian të UEFA-s. Gjermania/Gjermania Perëndimore kanë marrë pjesë në çdo edicion që nga viti 1972. Gjermania Perëndimore fitoi në 1972 dhe 1980, ndërsa Gjermania e bashkuar triumfoi në EURO ’96. Përveç Gjermanisë, 23 ekipe të tjera do të dalin nga kualifikueset e UEFA EURO 2024 për të marrë pjesë në turneun final. Shqipëria duhet të renditet në dy vendet e para, për të shkuar më tej, në një grup me Moldavinë, Republikën Çeke, Poloninë dhe Ishujt Faroe

CILI ËSHTË FORMATI I KUALIFIKUESEVE PËR EURO 2024?

Ekipet ndahen në dhjetë grupe me nga pesë (përfshirë katër pjesëmarrësit në finalet e Ligës së Kombeve të UEFA-s) ose gjashtë. Shqipëria është në Grupin E me pesë ekipe. Ekipet kombëtare do të luajnë ndeshjet në shtëpi dhe jashtë, ku fituesit e grupeve dhe nënkampionët do të shkojnë direkt në finale. Kështu, Shqipëria duhet ta luajë kualifikimin me Poloninë e Republikën Çeke, si dy kombëtaret më të forta. Tri vendet e mbetura do të vendosen nga play-off ku do të përfshihen 12 skuadra të zgjedhura në bazë të performancës së tyre në Ligën e Kombeve UEFA 2022/23.

CILAT JANË GRUPET KUALIFIKUESE PËR EURO 2024?

Grupi A: Spanjë, Skoci, Norvegji, Gjeorgji, Qipro
Grupi B: Holanda, Franca, Republika e Irlandës, Greqia, Gjibraltar
Grupi C: Itali, Angli, Ukrainë, Maqedoni e Veriut, Maltë
Grupi D: Kroacia, Uellsi, Armenia, Turqia, Letonia
Grupi E: Polonia, Çekia, Shqipëria, Ishujt Faroe, Moldavia
Grupi F: Belgjikë, Austri, Suedi, Azerbajxhan, Estoni
Grupi G: Hungari, Serbi, Mali i Zi, Bullgari, Lituani
Grupi H: Danimarka, Finlanda, Sllovenia, Kazakistani, Irlanda e Veriut, San Marino
Grupi I: Zvicër, Izrael, Rumani, Kosovë, Bjellorusi, Andorra
Grupi J: Portugali, Bosnje dhe Hercegovinë, Islandë, Luksemburg, Sllovaki, Lihtenshtejn

CILAT JANË DATAT E EURO 2024?

Kualifikueset
9 tetor 2022: shorti kualifikues, Festhalle Frankfurt
23–25 mars 2023: faza e grupeve, dita 1
26–28 Mars 2023: Faza e grupeve, dita 2
16–17 qershor 2023: Faza e grupeve, dita 3
19–20 qershor 2023: Faza e grupeve, dita 4
7–9 shtator 2023: Faza e grupeve, dita 5
10–12 shtator 2023: Faza e grupeve, dita 6
12–14 tetor 2023: faza e grupeve, dita 7
15–17 tetor 2023: faza e grupeve, dita 8
16–18 nëntor 2023: Faza e grupeve, dita 9
19–21 nëntor 2023: faza e grupeve, dita 10
21 mars 2024: gjysmëfinalet e play-off-it
26 Mars 2024: finalet e play-off-it
Faza përfundimtare
Dhjetor 2023: Shorti i turneut final të UEFA EURO 2024, Elbphilharmonie Hamburg
14 qershor 2024: Hapja e UEFA EURO 2024, Munich Football Arena
14 korrik 2024: Finalja e UEFA EURO 2024, Olympiastadion Berlin


1 Comment

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *