Tre starte gare, aksidente, shumë polemika dhe në fund fitoi Max Verstappen. Një GP i Australisë i gjatë sa një roman, ai që u përjetuar sot në Melburn. Në fund, holandezi i Red Bull i parapriu Mercedes të Lewis Hamilton dhe Aston Martin të Fernando Alonso. Rezultat i jashtëzakonshëm edhe për Lance Stroll dhe Sergio Perez, të cilët e nisën nga pit lane për të marrë vendin e katërt e të pestë. Për Ferrarin, një garë për t’u harruar. Carlos Sainz u rendit i 12 për një penalitet të pësuar në nisjen e tretë të garës (incident me Alonson). Charles Leclerc, nga ana tjetër, u tërhoq që në xhiron e parë në një kontakt me Lance Stroll.
Lexo më tej: F1/ Verstappen, pole position pa rivalë në Australi: surprizë Mercedes, zhgënjen Ferrari
Max Verstappen arriti të fitojë GP-në e Australisë. Holandezi mori kështu fitoren e tij të dytë të sezonit në Botërorin e F1. Piloti i Red Bull shkëputet për herë të parë në renditjen e kampionatit, duke fluturuar +15 pikë mbi shokun e skuadrës Perez. Vetëm vendi i 5-të për të në vijën e finishit, pas nisjes nga pit lane. Mercedes i Hamilton dhe Aston Martin i Alonso ishin gjithashtu në podium. Gara u karakterizua nga tre flamuj të kuq dhe një finale e çmendur dhe kaotike.
KONTESTIM I FERRARIT
U mbyll gara nën diktatin e Safety Car dhe me Ferrarin e Sainz që mori një penalitet prej 5 sekondash për një kontakt me Alonson në momentin e nisjes së tretë të garës. Spanjolli, i cili ishte i katërti, rrëshqiti në vendin e 12-të. Megjithatë, katastrofa e Ferrarit kishte filluar tashmë që në xhiron e parë, me Leclerc që doli nga pista në kthesën e tretë, duke u tërhequr nga gara.
🏁 RACE CLASSIFICATION 🏁
That. was. pure. madness. 😅#AusGP #F1 pic.twitter.com/3wFSxAQvOw
— Formula 1 (@F1) April 2, 2023