Allison Holker ka dhënë intervistën e saj të parë që nga ndarja nga jeta e Stephen “tWitch” Boss.
Ajo tha për Hoda Kotb të TODAY se ajo ndihet ” ende e tronditur”. “Askush nuk është gati për atë moment dhe nuk ka njeri që e pa këtë duke ardhur. Askush — dhe kjo më thyen zemrën gjithashtu,” shton ajo.
Në dhjetor, Boss – i cili u bë i famshëm si DJ në talk show-in e Ellen DeGeneres para se të prodhonte sezonet e saj të fundit i dha fund jetës. ET mësoi se Boss la një shënim që tregonte se nuk mund të vazhdonte më. Boss dhe Holker ndanë tre fëmijë së bashku – vajzën e saj 14-vjeçare, Weslie, të cilën Boss e adoptoi, djalin e tyre Maddox, 7 dhe vajzën Zaia, 3. Balerina i tha Kotb se ajo përpiqet të qëndrojë e fortë për fëmijët, por edhe për veten dhe pjesën tjetër të botës.
“Nuk kam zgjidhje tjetër veç të jem e fortë”, pranoi ajo duke u përlotur.” Gjithçka që mund të bëj është vetëm të përpiqem të eci përpara. Sinqerisht është diçka që nuk do ta uroja për askënd. Është vërtet e vështirë. Por nëse kam mësuar diçka, është se komunikimi është çelësi.”
Ajo që kërcimtarja po bën me dhimbjen e saj është të ndihmojë të tjerët që po luftojnë në heshtje siç ishte burri i saj i ndjerë. Ajo dhe familja e saj kanë bashkëpunuar me degën e tyre lokale të Aleancës Kombëtare për Sëmundjet Mendore, të quajtur Nami Westside L.A. për drejtimin e programeve në Klubet e Djemve dhe Vajzave të Amerikës. Në fillim të këtij viti, ajo nisi Fondacionin Move with Kindness për nder të tij për të mbështetur iniciativat e shëndetit mendor./Lapsi.al