Inter shkoi në finalen e Champions, pas fitores 1-0 në ndeshjen e kthimit ndaj Milan. Goli i Lautaro Martinez hipotekoi kalimin në aktin e fundit në Stamboll më 10 qershor, kundër fituesit mes Real Madrid dhe Manchester City. Protagonisti i ndeshjes ishte Hakan Calhanoglu, autor i dy paraqitjeve të shkëlqyera në euroderbi. Në fund të ndeshjes, gazetari i Sport Mediaset me një pyetje tendencioze kërkoi të ndizte polemika me Milan, që turku i driblonte me elegancë.
CALHANOGLU I MBYLL GOJËN GAZETARIT
“Nuk e di nëse ju kujtohet, por dy muaj më parë thashë se ëndërroja për finalen e Champions League. Sot kjo ëndërr u realizua dhe do ta luajmë në shtëpinë time, në Stamboll – tha Calhanoglu pas ndeshjes –. Dua të përgëzoj bashkëlojtarët e mi, tifozët tanë dhe Milan, që luajti një ndeshje të shkëlqyer. Sot ishte e vështirë sepse ishte një ndeshje e rëndësishme dhe jam i lumtur që fituam”.
Lexo më tej: Dimarco, 20 vjet më parë tifoz i dëshpëruar, tani protagonist në finale: “Inter ta kisha premtuar”
Në këtë pikë erdhi pyetja e gazetarit: “Nder për ty për komplimentet për Milan, por çfarë ndjesie mbani brenda pas kritikave të tifozëve kuqezi? Sa i lumtur jeni me zgjedhjen që keni bërë për të shkuar te Inter?”. E në në atë moment mesfushori turk u përgjigj në mënyrë shembullore, duke shuar çdo lloj polemika: “Derbit janë gjithmonë ndeshje të vështira, por nuk dua të flas për të kaluarën. Nuk më pëlqen të hedh benzinë në zjarr. Unë jam ende në marrëdhënie të mira me Milan, me ish-shokët e mi të skuadrës, me stafin. Ne kemi respekt për Maldinin dhe Massara që jeton nën shtëpinë time dhe gjithmonë takohem”.
From Milano…#ForzaInter #UCL #InterMilan pic.twitter.com/FzRk2jsBfZ
— Inter (@Inter) May 16, 2023