Sezoni nuk u mbyll ashtu si mendonte Tirana dhe pas titullit të humbur mes një mijë polemikave me atë penallti ndaj Bylis, erdhi edhe humbja e Kupës së Shqipërisë. Tirana u mposht në finale nga Egnatia, në një ndeshje të luajtur nga minuta e 25′ me 10 lojtarë dhe e vendosur me një penallti të pritur fillimisht nga Lika, i mundur në goditjen e dytë. E atëherë pakënaqësia dhe zemërimi ngritën krye te Orges Shehi dhe lojtarët e tij.
Gjatë ceremonisë së dorëzimit të medaljeve, trajneri Shehi nuk lejoi zv/presidentin Lutfi Nuri tia vendoste në qafë. Gjesti i teknikut, që e largoi medaljen e të dytit me dorë, u pasua edhe nga të tjerët, mjaft të mërzitur dhe që treguan në mënyrë demostrative se për ta ky sezion iu vodh.