Kryeministri i Hungarisë, Viktor Orban ka qenë ndërmjetësues për lirimin e tre policëve të Kosovës dhe zbutjen e tensioneve me Kosovën. Të paktën, kështu thotë ai në një tëeet ku falenderon presidentin e Serbisë, Aleksandër Vuçiç “për përkushtimin e ndërsjelltë për paqen në Ballkan”.
“Presidenti serb Aleksandar Vuçiç sapo më njoftoi se në përputhje me kërkesën e bërë në takimin tonë javën e kaluar, autoritetet serbe së shpejti do t’i lirojnë nga paraburgimi tre policët e Kosovës të arrestuar më parë. E vlerësojmë shumë hapin e Presidentit @avucic , të cilën ai e mori në një periudhë sfidash serioze dhe vendim i cili është një dëshmi e qartë e bashkëpunimit strategjik mes vendeve tona dhe e përkushtimit tonë të ndërsjellë për paqen dhe stabilitetin e Ballkanit” shkruan Orban.
Në fakt, rrëmbimi i tre policëve të Kosovës brenda territorit të shtetit të tyre u krye në shenjë hakmarrje për arrestimet që ndodhën në Zveçan pas përplasjes me forcat e KFOR. Policia e Kosovës arrestoi disa nga elementët më të dhunshëm mes serbëve që qëlluan ushtarë të KFOR, policë të Kosovës dhe gazetarë.
Përgjigjia e Serbisë, që rrëmbeu tre policë dhe lirimi i tyre nga presidenti Vuçiç, tregoi jo vetëm që Serbia dirigjoi protestat e dhunshme në veri të Kosovës por edhe se Vuçiç është i gatshëm të veprojë si drejtues i një bande.
Më herët ka pasur disa kërkesa nga Shetetet e Bashkuara për lirimin e tre policëve të Kosovës, ndërsa kryeministri i Shqipërisë e quajti të papranueshme rrëmbimin e tyre në shenjë hakmarrje për arrestimet e serbëve në veri.
Pak ditë më parë, kryeministri i Hungarisë, Viktor Orban, i është lutur presidentit serb, Aleksandar Vuçiq, që të dëgjojë rekomandimin e Budapestit zyrtar dhe t’i kthejë policët e arrestuar të Kosovës në vendin e tyre.
“Me respekt, ju lus i dashur Aleksandar që ta mendoni mirë këtë. Armiqtë e Serbisë janë të etur për të dëmtuar Serbinë dhe kjo është një situatë dhe rast i tillë që mendoj se do të ishte më mirë që ju të dëgjoni rekomandimin e Hungarisë për t’i kthyer ata në Kosovë”, tha Obran në Suboticë, gjatë takimit me zyrtarët e lartë të Serbisë.
Ai shtoi se kjo do t’i ndihmonte Serbisë “në kauzën e vet”.
“Prandaj, po ju kërkoj që ta mendoni këtë”, tha Orban.
Më 14 qershor, tre policë kufitarë të Kosovës u arrestuan nga forcat serbe. Serbia tha se ata u arrestuan “thellë” brenda territorit të saj, por Kosova tha se ata ishin duke patrulluar në territorin e Kosovës, pranë vijës kufitare me Serbinë në Leposaviq.
Keta autokratet na dine edhe per budallenj. Po vertete mendoni se i hame keto rrena? Ty , dhe ate mikun tuaj tjeter autokrat, iu porositi Vucici, se i duhej nje sebep per ti liru policet,se mezi priste per ti liru ,ngaqe i dolen logarte gabim,se e gjithe bota denoi aktin e tyre, plus, me e rendesishmja, Kurti ia bllokoi kamionet serbe kekufi, gje qe jo vetem e demtoi ekonomikisht por cmendi VUcicin, dhe jo vetem. Tani keta te tre do bejne presion qe te lihen kamionet serbe te futen ne Kosove