Protesta të dhunshme kanë shpërthyer mes francezve dhe policisë pas publikimit të lajmit se një 17-vjeçar u vra me armë zjarri në periferi të Parisit. I riu dyshohet se nuk zbatoi urdhrin e policisë për të ndaluar makinën e tij.
Adoleshenti po ngiste një makinë me qira në periferinë perëndimore të Parisit të martën. Policia e pikasi dhe i tërhoqi vëmendjen për shkelje të disa rregullave rrugore.
Një video që qarkullon në mediat sociale, e vërtetuar nga agjencia franceze e lajmeve AFP, tregon dy oficerë policie që përpiqen të ndalojnë automjetin. Njëri i drejton armën shoferit nga dritarja dhe qëllon nga një distancë e afërt. I riu me sa duket vazhdon të drejtojë makinën. Makina ka lëvizur disa dhjetëra metra përpara se të përplasej.
Vendasit zhvilluan një protestë jashtë rajonit së policisë. Tensionet u rritën më vonë të martën midis policisë dhe demonstruesve që ndezën zjarre, ndezën një makinë, shkatërruan stacionet e autobusëve dhe hodhën fishekzjarre drejt policisë, e cila u përgjigj me gaz lotsjellës dhe granata shpërndarëse, sipas videove të transmetuara në mediat lokale.