Shqipëria
Masat ajrore të qëndrueshme që kanë përfshirë vendin tonë do të diktojnë kushtet e motit, duke bërë që pjesa e parë e ditës të jetë nën mbizotërimin e kthjellimeve në ultësirën perëndimore. Ndërsa në zonat malore do të ketë vranësira të lehta. Por pas mesdite vranësirat do të bëhen më të dukshme, ku pritet të shfaqen edhe në një pjesë të mirë të ultësirës perëndimore.
Temperaturat e ajrit do të ulen lehtë në mëngjes, por do të mbeten kostante në mesditë duke luhatur vlerat ditore nga 11°C deri në 33°C.
Era do të fryjë e lehtë dhe mesatare me shpejtësi 35 km/h nga drejtimi Veriperëndimor, duke krijuar në brigjet detare dallgëzim 2 – 3 ballë.
Kosova
Republika e Kosovës do të jetë nën mbizotërimin e kushteve të qëndrueshme atmosferike përgjatë gjithë 24 orëve. Parashikohet që paraditja do të dominohet nga intervalet e gjata me kthjellime në pothuajse të gjithë territorin e Kosovës. Ndërsa pjesa e dytë e ditës pritet të sjelli kalime vranësirash në të gjithë vendin, ku më të theksuara vranësirat do të jenë në zonat Jugore të Kosovës.
Maqedonia e Veriut
Pjesa e parë e ditës në Maqedoninë e Veriut parashikohet të jetë me kthjellime në një pjesë të mirë të territorit, por do të ketë dhe kalime të lehta të vranësirave të cilat më të theksuara parashikohet të jenë në zonat Jugore. Ndërsa pas mesdite vranësirat do të shtohen gradualisht në të gjithë Maqedoninë e Veriut duke bërë që të dominojnë pjesën më të madhe të vendit. Pritet që vranësirat të pësojnë zhvillime të përkohëshme në zonat Jugore duke gjeneruar reshje të pakta shiu.
Europa
Europa Veriore dhe Lindore do të jenë nën mbizotërimin e kushteve të paqëndrueshme atmosferike, duke bërë që vranësirat të gjenerojnë reshje shiu. Por herë pas here pritet të jenë edhe në formë rrebeshi të shoqëruara me stuhi afat shkurtra. Gjithashtu pjesërisht Europa qëndrore do të jetë nën ndikimin e motit të vranët dhe reshjeve të shiut. Ndërsa pjesa tjetër e qëndrës së kontinentit dhe Europa jugore paraqiten me alternime kthjellimesh dhe kalime vranësirash