Davide Frattesi debutoi në derbin e Milanos duke shënuar golin e fundit në rezultatin 5-1. E megjithatë italiani u bë protagonist, më shumë se për golin, për gjestin e tij ndaj Krunic. Një veprim i thjeshtë me dorë, ku tregon katër gishtat, që është bërë viral në rrjetet sociale. Në fakt, goli i pestë ende nuk ishte shënuar në atë moment, kështu që Frattesi mendoi të imitonte Tottin në ndeshjen e famshme kundër Juventus.
Lexo më tej: Drejtuesit e Milan në dhomat e zhveshjes, Pioli: “Asnjë ndjesë tifozëve, se mos humbëm me dashje”
Në fund të ndeshjes Davide Frattesi pësoi një ndërhyrje nga kundërshtari dhe u rrëzua në tokë. Aspak i bindur për vendimin e arbitrit, ai nisi të protestojë dhe, më pas, u kthye nga Krunic, i cili po e presiononte, duke i bërë shenjën 4 me dorë. Në atë moment Inter po triumfonte 4-1. Për më tepër mesfushori i Inter e ftoi Krunic të “mbyllte gojën”.
Davidino #Frattesi ⚫️🔵 pic.twitter.com/Jeq4pwmWKZ
— Filippo Rivani (@Filoribs) September 16, 2023
SI TOTTI NË ROMA-JUVE
Gjesti i Frattesi kujton atë të Francesco Totti në Roma-Juventus në vitin 2004. Kapiteni i atëhershëm i verdhekuqve iu drejtua Tudor, duke bërë shenjën e 4-ës dhe gjithashtu duke shtuar atë të kthimit në shtëpi. Në rrjetet sociale, tifozët kuqezi u vërsulën ndaj lojtarit, ndërsa ata zikaltër kanë tashmë Frattesi beniaminin e ri të ultrasve.