Mëngjesin e ditës së sotme, është raportuar për një shpërthim pranë Ambasadës së Izraelit në Nikosia, Qipro.
Sipas mediave greke, në vendngjarje kanë mbërritur efektivë të policisë, dhe si rezultat i testeve është zbuluar një objekt i vogël metalik që përmbante një sasi shumë të vogël lënde shpërthyese, rreth 30 metra nga Ambasada. Fatmirësisht nga shpërthimi nuk ka pasur persona të lënduar.
Dy persona janë gjetur duke ecur në zonë, ndërsa dy persona të tjerë janë gjetur në një makinë të parkuar në një rrugë ngjitur, me të cilën dy këmbësorët dyshohet se kanë shkuar aty. Këta persona, të cilët dyshohet se janë nga Siria, u arrestuan dhe po mbahen nga autoritetet.