Gjykata Themelore në Ferizaj ka caktuar masën “40 ditë paraburgim” për Gëzim Çelajn, të shumëkërkuarin e drejtësisë shqiptare që u arrestua ditën e djeshme në Kosovë. Mësohet se Çela, që njihet se ‘baroni’ i Fushë Kuqes, akuzohet për trafik ndërkombëtar droge si dhe grup të organizuar kriminal.
Ai ishte shpallur në kërkim ndërkombëtar nga Interpoli. Fillimisht Çela u bë punonjës policie dhe më pas u përfshi në trafikut e heroinës. Grupi i tij u shkatërrua në vitin 2014. Çela dhe Valentina Tufa kishin krijuar kontakte me shtetas të ndryshëm shqiptarë në Shqipëri, Kosovë e Shtetet e Bashkuara të Amerikës, për të trafikuar kokainë nga vendet e Amerikës Latine, në drejtim të Kosovës, Shqipërisë e më tej, në vendet e Bashkimit Europian.
Çela kërkohet edhe në Itali, ku rezulton i dënuar në mungesë me 19 vjet e 9 muaj burg për disa vepra penale, trafik droge, prostitucion, armëmbajtje pa leje, favorizim të emigracionit klandestin dhe pjsëmarrje në organizatë kriminale.