Paolo Maldini kthehet te Milan, por në një rol krejtësisht të ri. Pasi u rrit në ekipin e të rinjve, kaloi në ekipin e parë, u bë kapiten, më pas flamuri i klubit dhe në fund drejtues, tashmë legjenda e kuqezinjve mund të rikthehet për të marrë një tjetër rol, atë të presidentit. Lajmin e bujshëm e ka bërë të ditur Andrea Longoni, gazetar i QSVS.
LONGONI: “MALDINI MUND TË KTHEHET SI PRESIDENT”
Do të ishte një rikthim, gjashtë muaj pas ndarjes. Një ndarje, ndër të tjera, mjaft e papritur dhe e zhurmshme, e kompletuar me disa shigjetime në javët e fundit që synonin pronësinë aktuale të kuqezinjve. E pikërisht këtu ka ardhur pika e kthesës: që të ndodhë ky skenar i pabesueshëm, klubi duhet të shitet.
ESCLUSIVO – Maldini vuole riprendersi il #Milan e diventarne Presidente grazie a un gruppo arabo interessato al Club. Lo scorso weekend lunga riunione a Milano con anche Leonardo. Il brasiliano ha ruolo importante oggi e potrebbe averlo anche un domani come dirigente (continua)
— Andrea Longoni (@AndreaLongoni5) December 22, 2023
NË KËTË RAST DO TË KTHEHEJ EDHE MASSARA
Sipas lajmit të zbuluar nga Longoni, një grup arab i interesuar për të blerë Milan mund të gjenerojë efektin domino të nevojshëm për kthimin e Paolo Maldini. Gazetari shtoi, megjithatë, se para së gjithash Cardinale duhet të bindet me një ofertë të parefuzueshme. E nëse marrëveshja përfundon, Massara gjithashtu do të rikthehet në klub. Për të parë nëse ky skenar i bujshëm do të realizohet, mbetet vetëm të presim.