Pika e kthesës për Premier League me Boxing Day, në raundin e 19 të kampionatit. Liverpool merr kryesimin e tabelës për një natë, duke mposhtur Burnley 2-0 në transfertë falë golave të Nunez dhe Jota. Një tjetër humbje për Newcastle, i mundur 3-1 në St. James’ Park nga Nottingham Forest me trigolëshin e Wood. Moment i mirë për Bournemouth, që mposhti Fulham 3-0, ndërsa Luton merr tre pikët në një 3-2 të çmendur në shtëpinë e Sheffield United.
BURNLEY-LIVERPOOL 0-2
Liverpool merr vendin e parë momentalisht në Premier League në Boxing Day, me një triumf 2-0 ndaj Burnley. Pas gjashtë minutash lojë miqtë kaluan në avantazh. Aksion këmbëngulës i Gakpo në të majtë dhe pasim për të djathtën e Darvin Nunez, që e dërgoi topin në rrjetë. Reds në avantazh dhe pjesa e parë ishte një monolog i skuadrës së Klopp, që megjithatë nuk mundën të gjejnë dyfishimin. Në fillimin e pjesës së dytë, Elliott shënoi golin e 2-0, por gëzimi i anglezit u mbyt pas kontrollit në VAR, që anuloi golin. Të besuarit e Kompany nuk mundën të gjenin kundërmasa, vetëm Odobert u përpoq të bënte diçka në anët e Alison. Në fund të ndeshjes Salah dhe shokët e tij rritën ritmin, duke mbyllur ndeshjen me golin e dytë në minutën e 90′. Dy zëvendësuesit Diaz dhe Jota krijuan golin e dytë, ku kolumbiani i shërbeu portugezit për përfundimin fitues. Liverpool fiton dhe ngjitet në 42 pikë, duke udhëhequr Premier League në pritje të konkurrentëve të tyre. Burnley është mbërthyer në 11 pikë, në vendin e parafundit.
NDESHJET E TJERA
Trigolëshi i Wood fundos Newcastle në shtëpi, me Nottingham Forest që u imponua 1-3. Nuk është një moment i mirë për Magpies në vendin e 7, pesë pikë larg zonës europiane. Forest ngjitet në 17 pikë, duke dalë nga zona e rënies, tashmë -2 larg. Në fund, bën përpjekje titanike edhe Luton që shkon të fitojë 2-3 në shtëpinë e Sheffield. Me këtë rezultat, Luton është i treti nga fundi me 15 pikë, por shpëtimi duket më afër. Sheffield, ndërkohë, duke i dorëzuar në vendin e fundit me 9 pikë. Tris i Bournemouth ndaj Fulham, me vendasit që shkojnë në 25 pikë në mesin e renditjes, +5 nga londinezët.
Premier League England
Newcastle United 1-3 Nottingham Forest
Bournemouth 3-0 Fulham
Sheffield United 2-3 Luton Town
Burnley 0-2 Liverpool