Viti 2023 në Premier League përfundon me humbjen e dytë radhazi të Arsenal. Gunners dorëzohen 2-1 ndaj Fulham dhe tani rrezikojnë të rrëshqasin në -5 nga kreu. Në Craven Cottage, golat e Jimenez dhe De Cordova-Reid vendosën sfidën, duke përmbysur avantazhin e Arsenal me Saka. Në ndeshjen tjetër, Tottenham fiton dhe mbërrin -1 nga vendi i katërt falë 3-1 ndaj Bournemouth. Sarr, Son dhe Richarlison vendosën sfidën, ndërsa goli i Scott ishte pa vlerë për Cherries.
FULHAM-ARSENAL 2-1
Viti 2023 i Arsenal përfundoi në mënyrën më të keqe të mundshme. Gunners humbën 2-1 ndaj Fulham, duke pësuar humbjen e dytë radhazi. Megjithatë, ndeshja nisi mirë për të besuarit e teknikut Arteta, që kaluan në minutën e 5′ në avantazh. Martinelli provoi në hyrje të zonës, Leno grushtoi por topi shkoi te Saka, që shënoi me portën bosh. Megjithatë, në minutën e 29′ vendasit barazuan me Jimenez, që nuk mund të gabonte në një pozicion të favorshëm. Përmbysja materializohet pas një orë loje. Palhinha shërbeu për De Cordova-Reid i cili brenda zonës mposhti Raya, duke fiksuar rezultatin në 2-1. Përpjekja e Saka ishte e kotë, i bllokuar energjikisht në zonë para se të arrinte të barazonte në 2-2.
Lexo më tej: Video/ Një gol i dyshimtë rrëzon Arsenal, Liverpool kampion dimri: West Ham fiton 0-2 mes polemikave
Viti 2023 i Arsenal përfundon me një humbje dhe 2024 mund të hapet edhe më keq. Nëse mposht Newcastle, Liverpool fluturon në +5 ndaj Gunners. Nga ana tjetër, Fulham bëri një lëvizje drejt shpëtimit, duke u ngjitur në 24 pikë dhe duke iu rikthyer fitoreve pas tre humbjeve radhazi.
TOTTENHAM-BOURNEMOUTH 3-1
Tottenham është ai që përfiton nga disfata e Arsenal, tani -1 nga vendi i katërt i zënë pikërisht nga Gunners. Spurs mposhtën Bournemouth 3-1 dhe shkurtuan distancën nga zona e Champions League. Ndeshja u hap me golin e minutës së 9′ nga Sarr, i cili i dha epërsinë skuadrës së tij, para se të dëmtohej. Ndeshja qëndroi në baraspeshë deri në mesin e pjesës së dytë, kur dy gola në 9 minuta mbyllën historinë në favor të skuadrës së Postecoglou. Në minutën e 71′, Lo Celso shërbeu për Son, që shënoi golin e dytë me një diagonale precize. Ndërsa në të 80′ Johnson pasoi në qendër për Richarlison, që e pati të thjeshtë të shtynte topin në rrjetë. Ndeshja u duk e përfunduar, megjithatë Alex Scott i trembi Spurs, duke ngushtuar diferencën në 3-1 në minutën e 84′, para se t’i anulohej goli i 3-2 për pozicion jashtë loje. Viti 2023 i Tottenham përfundon me buzëqeshje. Champions tani është vetëm një pikë larg. Pas tre fitoreve radhazi, Bournemouth shembet, por ka ende një diferencë qetësuese nga zona e rënies.
e ka shitur shkerdhata