“Alexis, nëse po më dëgjon, të lutem largohu nga Interi”. Ky është apeli i bërë nga ish-lojtari i zikalërve, Arturo Vidal, ndaj bashkatdhetarit dhe mikut të tij Sanchez: “Nuk duhej të kthehej më te Inter, madje i thashë – gjëmoi kiliani në transmetim të drejtpërdrejtë të Tëitch, përmes profilit të tij –. Duhet të shkojë të luajë aty ku mund të argëtohet, aty ku e duan shumë. Ai është i lumtur vetëm nëse luan, pra nuk është i lumtur. Shokët e tij nuk janë më të mirë se ai, por trajneri thjesht nuk e do, përndryshe si mund ta futësh kur kanë mbetur 9 minuta? Luan Mkhitaryan dhe jo Alexis, si është e mundur? Dua të vras veten kur mendoj diçka të tillë”.
Qëndrim shumë i ashpër i mbajtur nga Arturo Vidal në lidhje me përdorimin e pakët të Alexis Sanchez me fanellën e Inter. E në lidhje me këtë, sulmi i mesfushorit kilian fokusohet mbi Henrick Mkhitaryan.
“I thashë të shkonte në një klub tjetër, por ai është kokëfortë. Ai duhet të luajë si titullar në këtë ekip. Më shqetëson që gjërat janë kështu, si mund të mbash Sanchez jashtë? Sa inat më vjen”. Dhe përsëri: “Lautaro? Një sulmues i mirë, por si mund të mos luajë Sanchez për Inter? Unë do të preferoja ta shihja atë te River më mirë se te Inter”.
View this post on Instagram