Dua Lipa konfirmoi romancën e saj të re me aktorin britanik Callum Turner. Të martën në mbrëmje ata u shfaqën së bashku në Hollywood. Çifti nuk mund t’i mbante duart larg njëri-tjetrit pas një takimi romantik dhe një darke në restorantin luksoz japonez Sushi Park.
Daily Mail shkruan se lidhja e tyre ndodhi pak më shumë se dy javë më parë. Callum, 33-vjeçar u pa duke e mbështjellë me krahët e tij Duan, 28 vjeçe, e cila mbuloi fytyrën e tij përpara se të mbështetej për një puthje të gjatë. Këngëtarja nuk bëri asnjë përpjekje për t’u fshehur nga shikuesit duke qeshur me aktorin në një ballkon me pamje nga rruga. Çifti konfirmoi thashethemet e fundit të takimeve mes tyre.
Atyre iu bashkua një grup miqsh teksa darkonin në Los Angeles ku ishin ulur pranë njëri-tjetrit. Videoja e siguruar nga TMZ tregon Dua dhe Callum duke kërcyer ngadalë në një festë ku ndanë edhe një moment intim. Aktori u përfol se takohej me Dua-n pasi dyshja u panë të rehatuar në një festë në Beverly Hills. Romanca e fundit e Duas vjen menjëherë pas ndarjes nga i dashuri i saj francez, Romain Gavras.
Dua konfirmoi se ishte në një lidhje me Romain, i cili është ish-i i Rita Orës, në mars të vitit të kaluar. Lajmet për ndarjen e tyre filluan të qarkullojnë muajin e kaluar. Këngëtarja dukej se kishte vendosur të përqendrohej vetëm tek muzika përpara publikimit të albumit të saj të tretë.
“Ajo nuk bën kompromis kur bëhet fjalë për karrierën e saj ndaj dyshja i dhanë fund lidhjes përpara se gjërat të përkeqësoheshin. Romain e konsideronte Duan si punëtore, por ajo nuk planifikon të ngadalësojë për asgjë apo askënd” – tha një burim. ©LAPSI.al
