Verën e kaluar shumë ishin skeptikë për ndikimin që Harry Kane do të kishte larg Anglisë së tij dhe në një kampionat si Bundesliga. E pra, pas rreth gjashtë muajsh, shifrat flasin shumë qartë: 23 paraqitje, 26 gola dhe 8 asiste në të gjitha garat për qendërsulmuesin anglez që nga ardhja e tij te Bayern Munich. Numra të pabesueshëm, si dhe ato që lidhen me emrin e tij, dhe në veçanti me fanellën e tij, Numri 9 është më i shituri në dyqanet e klubit bavarez.
SHIFRA REKORD PËR SHITJEN E FANELLËS
Fanella e kapitenit të kombëtares angleze Kane po shitet në mënyrë të frikshme dhe është më e kërkuara nga tifozët. Ata bavarezë tashmë e kanë zgjedhur anglezin si idhullin e tyre të ri. Bëhet fjalë për shifra rekord për historinë e klubit gjerman. Në fakt, tashmë janë shitur 100 mijë fanella, secila prej të cilave ka një çmim mesatar prej 100 eurosh. Praktikisht, 10 milionë euro të ardhura (padyshim bruto) vetëm nga shitja e fanellës me numrin 9.
Lexo më tej: Fëmija e Harry Kane do të lindë në Gjermani: në Angli nis lufta për djalin e sulmuesit
E nuk mbaron me kaq, sepse departamenti i marketimit të Bayern pret të shesë të paktën dyfishin e fanellave të qendërsulmuesit, duke arritur kështu në 200,000 copë. Një xhiro biznesi e ekzagjeruar, që tregon nga njëra anë pasionin e tifozëve bavarez për klubin dhe nga ana tjetër aftësinë e madhe të stafit të marketingut. Në këtë aspekt, pa asnjë përjashtim, klubet shqiptare janë vite dritë prapa.
View this post on Instagram