Organizatorët e BAFTA-s po përballen me një çështje serioze sigurie pasi një shakaxhi i YouTube doli mbrëmë në skenë me trupën e Oppenheimer kur ata morën çmimin për filmin më të mirë. Lizwani kishte veshur një kostum të errët dhe kravatë të zezë siç mund të shihet duke u ngjitur në skenë për t’u bashkuar me Cillian Murphy, Christopher Nolan dhe Michael J Fox.
Ai bëri një buzëqeshje dinake teksa qëndronte prapa producentes Emma Thomas kur po ajo mbante fjalimin e saj. Lizëani, i cili ka dokumentuar përvojën në Instagram, pretendon se policia i kishte konfiskuar disa nga pamjet e tij nga ceremonia. Por një zëdhënës i policisë britanike tha se nuk ishin në dijeni të incidentit. BAFTA-t thanë se ai larguar nga forcat e sigurisë dhe se ata “po e marrin këtë shumë seriozisht”.
“Një shakatar i mediave sociale u largua nga forcat e sigurisë mbrëmë pasi u bashkua me fituesit e çmimit final në skenë. Ne po e marrim këtë shumë seriozisht dhe nuk dëshirojmë t’i japim ndonjë publicitet duke komentuar më tej” – tha një zëdhënës i BAFTA.
Lizwani ka 8 mijë ndjekës në kanalin e tij në YouTube dhe 5 mijë ndjekës të TikTok ku poston video të bëmave të tij duke hyrë fshehurazi në ceremonitë e ndarjes së çmimeve apo eventet publike. Kamerat kapën momentin kur Lizwani doli në skenën e BAFTA-s vetëm disa sekonda pasi producentja Thomas inkurajoi pjesën tjetër të ekipit Oppenheimer që t’i bashkohej grupit.
“Ku jeni? Ejani të gjithë ju!” – pyeti ajo. Shakatari, i cili nuk ishte ulur me ekipin e Oppenheimer në auditor, u shfaq më pas në skenë. Ai qëndroi pranë Murphy gjatë fjalimit të Thomas. Murphy u duk se i hodhi një vështrim dyshues kur po mbaronte fjalimi. Lizëani u kap nga sigurimi dhe u largua nga ngjarja.
Është e paqartë se si ai së pari fitoi akses në ceremoninë e ndarjes së çmimeve.
Më vonë ai postoi një pamje të tij nga ekrani gjatë transmetimit të BBC në storyt e tij në Instagram dhe shkroi: “Ja ku jemi, unë dhe Cian Murphy duke marrë çmimin tonë”.
Në një sërë postimesh, Lizwani lajmëroi për publikimin e “videos së plotë” e cila thotë se “do të dalë së shpejti”. Është e paqartë se çfarë pamjesh planifikon të shpërndajë me botën, por Lizwani pretendon se ka “shumë”. Ai po ashtu ka pohuar se oficerët “fshinë” disa nga videot e tij.
Lizwani ka një histori të gjatë të përfshirjes së tij në evente të profilit të lartë. Në vitin 2022, ai u fut në ndarjen e çmimeve Brit Awards në arenën O2 në Londër duke vendosur një kapelë dhe përparëse kuzhinieri për të pozuar si një kuzhinier i rremë dhe për të hyrë fshehurazi nga hyrja VIP.
Ai hyri në zonën VIP ku bisedoi me YouTuber-in KSI dhe përfundoi në ITV pasi u ul në një tavolinë pas komedianit Mo Gilligan. Më pas ai shkoi në një festë dhe u fotografua me yllin e futbollit të Arsenalit, Bukayo Saka.
Lizwani gjithashtu udhëtoi për në Paris atë vit, ku u vesh me tuta mekanike për t’u futur fshehurazi në derën anësore dhe për të rrëzuar ceremoninë e FIFA-s për Topin e Artë.
Ai u kap nga sigurimi në atë rast dhe u dëbua nga ndërtesa. Shakaxhiu gjithashtu u fut edhe në çmimet British Fashion Awards në 2021 dhe MOBO Awards po atë vit.
Videot e tij në YouTube detajojnë se si ai dyshohet se ka hyrë në ngjarje të shumta sportive duke përfshirë ndeshjen e boksit midis Deji Olatunji dhe Alex Ëassabi në Wembley vitin e kaluar. Ai është parë duke festuar në ring pas një ndeshjeje. Duket se Lizwani ka synuar ngjarjet për të paktën 5 vjet. Videoja e tij më e vjetër, e datës shtator 2018, detajon se si ai u fut në një ndeshje futbolli Waterford kundër Tottenham. Ai gjithashtu u infiltrua në lojën Soccer Aid në 2021, një ndeshje bamirësie që u mbajt në stadiumin e Mançesterit dhe mblodhi mbi 38 milionë funte ndihmë për UNICEF-in. ©Daily Mail, LAPSI.al